Mədəniyyət Nazirliyi və “Yurd FM” radiosunun birgə təşkilatçılığı ilə “Mədəni yurdumuz” adlı veriliş ictimaiyyətə təqdim ediləcək.

Yeni layihədə müxtəlif tarixi dövrlərlə yanaşı, bu günün də mədəni dəyərlərindən bəhs ediləcək, ölkəmizin mədəni mühitində gedən proses və yeniliklər dinləyicilərin diqqətinə çatdırılacaq.

Verilişi bu gündən (3 aprel) etibarən hər həftənin cümə axşamı saat 17:00-da “Yurd FM”-də dinləmək mümkündür. 

Verilişdə eyni zamanda yaxın günlərdə nəzərdə tutulan mədəni tədbirlərin afişaları, maraqlı mədəniyyət xəbərləri və müsahibələr də təqdim ediləcək.