Beynəlxalq Muğam Mərkəzində (BMM) “Muğamat axşamı” adlı konsert proqramı təqdim olunub.

Mərkəzdən bildirilib ki, böyük anşlaqla keçən konsertdə Əməkdar artistlər Babək Niftəliyev, Arzu Əliyeva, BMM-in solistləri Vəfa Vəzirova, Səbinə Ərəbli, Rəvanə Qurbanova, Mirələm Mirələmov, Kamilə Nəbiyeva muğam və təsniflərdən ibarət proqramla dinləyicilərin qəlbini oxşayıblar.

İfaçıları BMM-in solisti Rövşən Qurbanovun (tar) rəhbərliyi ilə instrumental ansambl – Ceyhun Muradov (kamança), Əməkdar artist Təranə Əliyeva (qanun), Rafael Əsgərov (balaban), Amil Mustafayev (nağara), Vasif Yusublu (ud) və Adəm Zərbəliyev (balaban) müşayiət ediblər.

Layihənin məqsədi əsrlərin yadigarı olan muğam sənətimizi gələcək nəsillərə çatdırmaqdır.

Konsert proqramı muğamsevərlər tərəfindən alqışlarla qarşılanıb.