Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “31 Mart - azərbaycanlılara qarşı törədilən soyqırımı aktı” mövzusunda dəyirmi masa keçirilib. 

Azərbaycanlıların Soyqırımı Gününə həsr olunan dəyirmi masada Yasamal rayon 13 nömrəli tam orta məktəbin müəllim və şagird kollektivi iştirak edib.

Qonaqlar öncə ekspozisiya zalında Ümummilli lider Heydər Əliyevin zəngin siyasi irsi və Azərbaycanın ictimai – siyasi, sosial-iqtisadi və mədəni həyatının bütün sahələrinin inkişafındakı xidmətlərini özündə əks etdirən eksponatlarla tanış olublar. 

Daha sonra soyqırımı qurbanlarının və şəhidlərimizin əziz xatirəsi bir dəqiqəlik sükutla yad edilib.

Tədbirdə mövzu ilə bağlı məruzə dinlənilib. Məruzədə erməni millətçilərinin 107 il öncə xalqımızın başına gətirdiyi fəlakətlərdən, onun ağır nəticələrindən söz açılıb.

Sonda Azərbaycan xalqına qarşı soyqırımının tarixindən bəhs edən film nümayiş olunub.