- 29-11-2025
Xəbər verdiyimiz kimi, Beynəlxalq Muğam Mərkəzinin direktoru Əməkdar artist, tarzən Sahib Paşazadə və BMM-nin solisti Əməkdar artist, nağara ifaçısı Kamran Kərimov Pakistanın Kəraçi şəhərində Dünya Mədəniyyəti Festivalında Azərbaycanı təmsil edirlər.
Noyabrın 28-də Sahib Paşazadə Pakistanın geniş izləyici auditoriyasına malik “BOL TV News” telekanalının qonağı olub.
Eksklüziv müsahibə üçün efirə dəvət olunan tarzən Azərbaycanın tar aləti haqqında ətraflı məlumat verib, musiqi parçaları ifa edib. Sənətkar həmçinin Azərbaycan və Pakistan musiqisinin, mədəniyyətinin, adət və ənənələrinin oxşar cəhətlərindən söz açıb.
Dünya Mədəniyyəti Festivalında iştirakından məmnunluğunu ifadə edən tarzən festivalın yüksək səviyyədə təşkilinə və dəvətə görə minnətdarlığını bildirib, eyni zamanda bir çox ölkələrdə keçirilən mötəbər festivallarda iştirakı ilə bağlı təəssüratını bölüşüb.
Sahib Paşazadənin çıxışı efirin aparıcıları tərəfindən böyük maraqla qarşılanıb, xoş təəssürat yaradıb.
Müsahibəni bu linkə daxil olaraq izləyə bilərsiniz:
