Son illər Azərbaycan Respublikası ilə Çin Xalq Respublikası arasında siyasi, iqtisadi və mədəni-humanitar sahələrdə əlaqələr əhəmiyyətli dərəcədə genişlənib. Xüsusilə viza rejiminin sadələşdirilməsi və qarşılıqlı etimada əsaslanan diplomatik münasibətlər nəticəsində iki ölkə arasında qarşılıqlı səfərlər, turizm axını və mədəni mübadilə artıb.

Bu xüsusda Çin ənənəvi təbabətinin tanınmış mütəxəssisi Dr. Wang Zongyu-nun ölkəmizdə fəaliyyətə başlaması Azərbaycan və Çin arasında səhiyyə və alternativ tibb sahəsində əməkdaşlığın daha da inkişafına təkan verəcək mühüm hadisədir.

Dr. Wang Zongyu kimdir?

Dr. Wang Zongyu 28 illik klinik təcrübəyə malik, ənənəvi Çin təbabəti üzrə həkim-refleksoterapevt və lisenziyalı aptekçilik mütəxəssisidir. O, təhsilini Çinin təbabətinin tanınmış nümayəndələri – professorlar Li Dinçjun, Van Venyuan və Ge Çinfu kimi görkəmli alimlərdən alıb, klassik və müasir müalicə metodlarını birləşdirərək özünəməxsus yanaşma formalaşdırıb.

Onun təkmilləşdirdiyi ağrısız akupunktura, balanslaşdırılmış iynə terapiyası, gözəllik və enerji tarazlığına yönəlik müalicə metodları bu gün bir çox ölkələrdə uğurla tətbiq olunur. Dr. Wang Zongyu 11 il Rusiyada müstəqil tibbi praktikayla məşğul olub, eyni zamanda Tayland Səhiyyə Nazirliyi tərəfindən Çin təbabətinin beynəlxalq elçisi kimi tanınıb.

Dr. Wang Zongyu-nun müalicə üsulları Çin milli elmi-tədqiqat layihələrinin nəticələrinə əsaslanır. O, təsirə əsaslanan balans akupunkturası vasitəsilə qısa müddətdə effekt verən, az invaziv və təhlükəsiz metodlar tətbiq edir.

Müalicə sahələrinə daxildir:

* Nevroloji və ortopedik pozuntular

* Oftalmoloji və psixosomatik problemlər

* Uşaqlarda diqqət pozuntusu və immun zəifliyi

* Qadın və kişi sağlamlığı, post-COVID və reabilitasiya halları

Bununla yanaşı, Dr. Wang Zongyu-nun tətbiq etdiyi metodlar Çin Tibb Administrasiyası, Hərbi Tibb Akademiyası və 600 mindən çox pasiyent üzərində aparılmış klinik təcrübələr tərəfindən elmi şəkildə yoxlanılıb və təsdiqlənib.

Dr. Wang Zongyu-nun Azərbaycanda fəaliyyəti, yalnız tibbi xidmət sahəsində deyil, həm də Çin və Azərbaycan arasında humanitar və elmi əməkdaşlığa töhfə baxımından əhəmiyyətlidir. Bu, iki ölkə arasında mədəni diplomatiya və xalq təbabəti sahəsində bilik və təcrübə mübadiləsinin inkişafını təşviq edir.

Onun fəaliyyəti ölkəmizdə alternativ və tamamlayıcı təbabətə artan maraq fonunda sağlamlıq turizminin də inkişafına töhfə verə bilər. Eyni zamanda, bu addım Çin təbabətinin Azərbaycanda daha yaxından tanınması və tədris imkanlarının genişlənməsi baxımından da mühüm perspektivlər açır.