Artıq 28 ildir ki, Azərbaycanın təqviminə daha bir əlamətdar gün, 2 fevral – Gənclər Günü daxil olub. Bu günün tarixi 1996-cı il fevralın 2-də müstəqil Azərbaycanda ilk dəfə Gənclərin Ümumrespublika Forumunun keçirilməsi ilə bağlıdır.

Bir il sonra, 1997-ci ildə Prezident Heydər Əliyevin imzaladığı fərmanla 2 fevral Azərbaycanda Gənclər Günü elan edilib. Ulu öndərin Azərbaycan gəncliyinə bəxş etdiyi bu gün hər il silsilə tədbirlər, o cümlədən mədəniyyət layihələri ilə qeyd olunur.

Ümummilli lider tərəfindən əsası qoyulmuş dövlət gənclər siyasəti Prezident İlham Əliyevin rəhbərliyi ilə uğurla davam etdirilir. Dövlətimizin başçısı ənənəvi olaraq hər il əlamətdar gün ərəfəsində öz fəaliyyətlərində xüsusilə fərqlənən gənclərin bir qrupunu mükafatlandırır.

***

Prezident İlham Əliyev yanvarın 31-də 2025-ci il Gənclər üçün Prezident mükafatlarının verilməsi haqqında sərəncam imzalayıb.

Sərəncama əsasən, elm, təhsil, mədəniyyət, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq sahələrində xüsusi fərqlənən aşağıdakı şəxslər 2025-ci il Gənclər üçün Prezident mükafatına layiq görülüblər:

Ağalarov Mircavid Elşad oğlu

Əjdərli Aytac Ceyhun qızı

Əzimov Rüstəm Bakir oğlu

Hacıbəyli Rafael Siyavuş oğlu

İsrafilova Fatimə Seymur qızı

Məhərrəmova Şövkət Fikrət qızı

Məmmədzadə Vüqar Əbdüləli oğlu

Muradova Jalə Tərlan qızı

Nuruzadə Ömər İman oğlu

birgə fəaliyyətə görə:

Abdullayev Nihat Rauf oğlu

Əliyeva Ləman Əhəd qızı.

Prezident mükafatına layiq görülən gəncləri və onların simasında ölkəmizin bütün gənclərini əlamətdar gün münasibətilə təbrik edir, fəaliyyətlərində yeni uğurlar arzulayırıq.